គណៈចលនាសាសនិកឥស្លាម ខេត្តបន្ទាយមានជ័យ ចូលសម្តែងការគួរសម និងជូនពរ ឧត្តមសេនីយ៍ឯក រ័ត្ន ស្រ៊ាង !

គណៈចលនាសាសនិកឥស្លាម ខេត្តបន្ទាយមានជ័យ ចូលសម្តែងការគួរសម និងជូនពរ ឧត្តមសេនីយ៍ឯក រ័ត្ន ស្រ៊ាង

នារសៀល ថ្ងៃទី២៦ ខែមេសា ឆ្នាំ២០២៣ ឯកឧត្តម ឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ បានអនុញ្ញាតឲ្យ គណៈចលនាសាសនិកឥស្លាម ខេត្តបន្ទាយ មានជ័យ ១១នាក់ ចូលជួបសម្តែងការគួរសម និង ជូនពរ នៅបញ្ជាការដ្ឋាន កងរាជអាវុធហត្ថរាជធានីភ្នំពេញ។ 

ឯកឧត្តម រ័ត្ន ស្រ៊ាង បានបង្ហាញនូវក្តីនឹករឭកនិងអារម្មណ៍សប្បាយរីករាយជាខ្លាំង ដែលបានជួបសំណេះសំណាលជាមួយគណៈចលនាសាសនិកឥស្លាម ខេត្តបន្ទាយមានជ័យ ទាំង១១នាក់ ព្រោះតែឯកឧត្តម ធ្លាប់មានមនោសញ្ចេតនាដិតដាមយ៉ាងជ្រាលជ្រៅចំពោះអ្នកខេត្តបន្ទាយមានជ័យ និងធ្លាប់មានអនុស្សាវរីយ៍រួមសុខទុក្ខជាមួយគ្នាជាច្រើន កាលឯកឧត្តមនៅជាមេបញ្ជាការអាវុធហត្ថក្នុងខេត្តមួយនេះ។ 

ក្រោយបញ្ចប់ការសំណេះសំណាលនិងជូនពររួច  ឯកឧត្តម រ័ត្ន ស្រ៊ាង ព្រមទាំងគណៈចលនាសាសនិកឥស្លាម ខេត្តបន្ទាយមានជ័យ ទាំង១១នាក់ បានថតរូបអនុស្សាវរីយ៍ជាមួយគ្នាយ៉ាងស្និទ្ធស្នាលបំផុត៕